Warning: Some outside content may appear

அம்மா உன் மணி ஒலி கேட்டு -எங்கள் நெஞ்சம் உன் முகமதை காண கெஞ்சும்!

அம்மா உன் மணி ஒலி கேட்டு -எங்கள்
நெஞ்சம் உன் முகமதை காண கெஞ்சும்!
ஒரு முறை கண்டாலே போதும்-தாயே
உன்னருள் எந்நாளும் வேண்டும்!


பார்க்காமலே தினம் மனம் ஏங்கினோம்…
நீ வாழும் திசை பார்த்துகை கூப்பினோம்...
-அம்மா


ஏழேழு கடல் கடந்து எங்கோ ஓர் நாட்டில்
வாயார உனை அழைத்து காண்கின்றோம் பாட்டில் தாய் நாட்டில் கோவில் கொண்டு காக்கின்ற தாயே
உன் கோவில் மணி ஒலியில் வந்தாயே நீயே!
கடல் கொண்ட தீவில் கரை கண்ட தாயே!
உருமாறி உன் வாசல் வரதோன்றுதே!
காற்றாய் வரவோ மழையாய் வரவோ
ஓம் சக்தி,ஸ்ரீ சக்தி அருள் செய்குவாய்!
-அம்மா


தாயே உன் அருள் முகத்தை காண்கின்ற நாட்கள்
எப்போது மலர்ந்திடுமோ தூங்காத கண்கள்!
தாலாட்டு கேட்டேங்கும் குழந்தையைபோல
உன் நாமம் சொல்லி மனம் ஆறுதலாகும்!
அலை போல நாளும் அலைகின்ற வாழ்வில்
கரை தேற்ற உன் கைகள் படகாகுமே!
ஒரு நாள் வருவோம்….உனையே தொழுவோம்…
ஓம் சக்தி,ஸ்ரீ சக்கி அருள் செய்குவாய்!
-அம்மா